Qozog‘iston Ukrainaga tibbiyot muassasalari uchun 41 ta generator sovg‘a qildi

Qozog‘iston Ukrainadagi tibbiyot muassasalariga 500 ming dollarga yaqin 41 ta generator sovg‘a qildi. Bu haqda hukumat portalida ma’lum qilindi.

“Sog‘liqni saqlash muassasalariga qariyb yarim million dollarlik 41 ta generator tarqatildi. Xususan, ular rossiyalik harbiylari hujumi ostida bo‘lgan hududlar – Nikolayev, Dnepropetrovsk, Xarkov va boshqa viloyatlarga o‘tkazildi”, deyiladi xabarda.

SSV rahbari Viktor Lyashkoning ta’kidlashicha, elektr ta’minotidagi uzilishlar sharoitida Ukraina har qanday qiyinchiliklarga tayyor bo‘lishi kerak, shuning uchun tibbiyot muassasalarini generatorlar bilan ta’minlash davom etmoqda.

Qozog‘iston TIV rahbari 1-dekabr Polshada bo‘lib o‘tgan Yevropada xavfsizlik va hamkorlik tashkilotining (YXHT) Vazirlar kengashining 29-yig‘ilishida Ukrainadagi urushni to‘xtatishga chaqirgandi. U muammolar yolg‘iz hal qilinishi uchun kattalik qilishini aytib, barcha ishtirokchi davlatlar birdam bo‘lib, YXHT qadriyatlariga qat’iy sodiqliklarini namoyish etishga chaqirgandi.