Rossiya Eronga Su-35 samolyotlarini bermoqchi — G‘arb razvedkasi

Rossiya yaqin orada Eronga Su-35 samolyotlarini topshiradi. Eronlik uchuvchilar Rossiya samolyotlaridan foydalanishga o‘qitilmoqda, deya xabar berdi OAV G‘arb razvedka manbalariga tayanib.

Eron Rossiyaning Misr uchun qurgan 24 ta samolyotini oladi. Rossiya—Misr kelishuvlari Amerika aralashuvi tufayli bekor qilingandi. Moskva yangi xaridor qidirgan, Tehron esa bu samolyotlarga qiziqish bildirgan.

G‘arb razvedka agentliklarining ma’lumotlariga ko‘ra, Eron Rossiyaga 1700 ta dron bergan va yaqin orada yana kamida 300 tasini yetkazib beradi, bundan tashqari, Moskvaga ballistik raketalar berish masalasini ko‘rib chiqmoqda.

Rossiya rasmiylari dronlarning Erondan olib kelinishini tan olmayapti. Noyabr oyi boshida Eron tashqi ishlar vaziri Husayn Abdulloh Rossiyaga bir qancha dronlar yuborilganini tasdiqlab, bu urush boshlanishidan bir necha oy oldin sodir bo‘lganini aytdi.

Keyinroq AQSH Erondan Rossiyaga qurol yetkazib berilishiga chek qo‘yish ustida ishlayotganini ma’lum qildi.