Oshpaz Nusret Gyokchening JCH—2022 finalidan keyin maydon tushib, kubokni ushlagani bahslarda sabab bo‘ldi. FIFA bu masalani o‘rganishni boshlagan

FIFA JCH—2022 finalidan so‘ng oshpaz Nusret Gyokchening (Salt Bae) maydonga tushib kelishi bo‘yicha ish ochdi.

Nusret Gyokche — turkiyalik qassob, oshpaz va Nusr-Et steyk-haus tarmog‘i egasi hisoblanadi.

Argentinaning Fransiya ustidan g‘alabasidan so‘ng u maydonga tushib, Lionel Messi va boshqa futbolchilar bilan suratga tushgan. Shuningdek, kubokni qo‘liga ushlagan.

“FIFA 18-dekabr kuni ‘Lusail’ stadionida bo‘lib o‘tgan finaldan so‘ng, alohida shaxslar qanday qilib maydonga ruxsatsiz kirganini tekshirmoqda. Tegishli choralar ko‘riladi”, — deydi FIFA vakili.

Tashkilot va Gyokche o‘rtasida rasmiy hamkorlik munosabatlari yo‘q, biroq ijtimoiy tarmoqlarda FIFA prezidenti Janni Infantino Nusr-Et restoranlarini maqtagani aks etgan video tarqalgan. Oshpaz 2022-yilgi final o‘yiniga tushish uchun akkreditatsiyadan o‘tgan.

The Telegraph’ning yozishicha, Gyokche maydonga tushish uchun Infantinodan ruxsat olmagan. FIFA vakillari oshpazni futbolchilar tomonga borishga kim ruxsat berganini aniqlash ishlarini boshlab yuborgan.

Qayd etish kerak, har ikki terma jamoa va futbolga aloqador bo‘lmagan Gyokchening maydonda bemalol yurishi va sovringa teginishi ijtimoiy tarmoqlarda keng muhokama hamda noroziliklarga sabab bo‘lgan.

Ma’lumot uchun, FIFA qoidalariga ko‘ra jahon kubogida ma’lum doiradagi shaxslargina tegishga haqli.