2022-yilning yanvar—noyabr oylarida O‘zbekiston 702,2 million dollarga teng bo‘lgan 27 526 ta yengil avtomobil import qilgan. Bu haqda “Daryo”ga Davlat statistika qo‘mitasi hisobotidan ma’lum bo‘ldi.
Natijada 11 oydan buyon avtomobillar importi o‘tgan yilning shu davriga nisbatan 4 371 taga oshgan.
Shu bilan birga, noyabr oyida mashina importi hajmi o‘tgan oyga nisbatan pasayib, 61,3 mln dollarni tashki etgan. Oktabr oyida bu ko‘rsatkich 71,6 million dollar bo‘lgan edi.
Sentyabr oyida import hajmi 52,5 mln dollarga, avgust oyida 50,7 mln dollarga, iyulda esa 65 mln dollarga teng edi.
Taqqoslash uchun, yanvarda avtomobillar importi 65,7 mln fevralda 58,8 mln martda 64,8 mln aprelda 91,1 mln mayda 40,1 va iyunda 75,4 mln dollarni tashkil qilgan.
Yil boshidan beri O‘zbekiston avtomobil eksporti hajmi 319 mln dollarni tashkil etdi.
Shunday qilib, 11 oy yakuni bo‘yicha avtomobil importi eksportdan 383,2 million dollar — 2,2 martaga oshgan.
Shu tariqa O‘zbekiston avtomobillarni sotishdan ko‘ra ko‘proq sotib olishda davom etmoqda.
Mavzuga doir: O‘zbekistonda yil boshidan beri qaysi avtomobil eng ko‘p ishlab chiqarilgani ma’lum qilindi
Izoh (0)