Ukraina Rossiyaning BMT Xavfsizlik kengashidagi noqonuniy ishtirokini isbotlash imkonini beradigan rasmiy qadamlar tayyorlamoqda. Bu haqda Ukraina tashqi ishlar vaziri Dmitriy Kuleba Facebook’dagi sahifasida e’lon qildi.
“Rossiya BMT Xavfsizlik kengashining doimiy a’zosi o‘rnini 31 yil oldin yuz bergan ochiqdan ochiq firibgarlik sxemasi natijasida tegishli qonuniy asoslarsiz egallab turibdi. Ukraina hozirda Rossiyaning Xavfsizlik kengashidagi noqonuniy ishtirokini isbotlovchi rasmiy qadamlarga tayyorlanmoqda”, — dedi Kuleba.
Kulebaning so‘zlariga ko‘ra, bo‘lajak siyosiy jarayon Rossiyaning BMT Xavfsizlik kengashidagi o‘rnidan mahrum qilishga mo‘ljallangan. Ukraina Tashqi ishlar vazirligi rahbari, shuningdek, BMT Ukraina shaharlariga hujum qilish uchun Eron dronlaridan foydalanishni to‘xtatish uchun yetarli harakat qilmayotganini aytdi.
Eron dronlarini Rossiyaga yetkazib berish
“Rossiyaga Eron dronlari yetkazib berilishi BMT Xavfsizlik kengashining 2015-yildagi Eron bilan yadroviy kelishuvni mustahkamlovchi rezolyutsiyasini buzadi”, — deydi Ukraina TIV rahbari.
U Ukraina va hamkorlarga BMTga Eronning dronlari Ukrainadagi urushda rus qo‘shinlari tomonidan qo‘llanishini o‘rganuvchi ekspertlar missiyasini tashkil etishni taklif qilgan. Noyabr oyida sana allaqachon kelishib olingani, ammo keyin BMT kotibiyati kelishilgan muddatda Ukrainaga tashrif buyurishning iloji yo‘qligini aytgan.
“BMT kotibiyati Eron va Rossiyani jazosiz qoldirishi qabul qilib bo‘lmaydigan kechikish va kelishuvdir”, — deydi diplomat va bu Xavfsizlik kengashi rezolyutsiyasining buzilishi va xavfsizlikka tahdid ekanini aytdi.
Avvalroq Ukraina prezidenti 19-dekabrga o‘tar kechasi mamlakat 34 ta Eron dronlari tomonidan hujumga uchraganini aytgandi. Prezident Rossiya qurolli kuchlari Erondan 250 ta Shahed-136 kamikadze dronlarini olganini ta’kidlagan.
Izoh (0)