Germaniyada konslagerning 97 yoshli sobiq kotibasi ikki yillik qamoq jazosiga hukm qilindi. Bu haqda Bild xabar berdi.
Ayolning ismi Irmgard Furxner bo‘lib, bosib olingan Polsha hududida joylashgan Shtuttgof konslagerida xizmat qilgan. Unga nisbatan sud jarayoni bir yildan ortiq davom etdi. Natijada sudya Dominik Gross Furxnerni 11 387 nafar Shtuttgof mahbuslari o‘ldirishda sherik deb topdi. Sud, shuningdek, ayolni konslagerda beshta suiqasd qilish holatiga aybdor ekanini bildirdi.
Furxner fuqarolik lavozimini egallagan bo‘lishiga qaramay, u Shtuttgof hududida nima sodir bo‘layotganidan to‘liq xabardor bo‘lgan.
“Sud ayblanuvchiga nisbatan o‘z faoliyati uchun adolatli hukm chiqardi. U bila turib va o‘z ixtiyori bilan dahshatli o‘lim fabrikasining bir qismiga aylangan”, — deydi Litva va Isroildagi konslagerdan omon qolgan asirlar manfaatini himoya qilgan advokat Onur Ozata.
Sud jarayonida Furxner unga berilgan savollarga javob berishdan bosh tortdi. O‘zining yakuniy nutqida sodir bo‘lgan voqeadan va urush paytida konslagerda bo‘lganidan afsusdaligini ta’kidladi.
Izoh (0)