Ukraina tashqi ishlar vaziri Dmitriy Kuleba Rossiya prezidenti Vladimir Putin va Belarus rahbari Aleksandr Lukashenko o‘rtasida 19-dekabr kuni bo‘lib o‘tgan uchrashuvni izohladi.
Kulebaning so‘zlariga ko‘ra, Putin va Lukashenko uchrashuvi ularning ijrosidagi navbatdagi raqs hisoblanadi.
“Bizda mavjud ma’lumotlarga ko‘ra, uchrashuvda hech qanday tanqidiy qarorlar qabul qilinmagan. Putin Lukashenkoni Rossiya qurolli kuchlari faoliyatini maksimal darajada targ‘ib qilishga ko‘ndirishda davom etmoqda. Aslida Belarusning bir qator harbiy infratuzilma obyektlari va umuman harbiy infratuzilmasining ma’lum bir qismi Rossiya nazorati ostida. Belarus harbiylari aslida bu jarayonlarga aralashishdan chetlashtirilgan”, — dedi Kuleba onlayn suhbat chog‘ida.
Shu bilan birga, TIV rahbari uchrashuvda hech qanday “dramatik voqea” sodir bo‘lmaganini aytib, yaqin orada Putin va Lukashenkoning yana bir uchrashuvi rejalashtirilganini qo‘shimcha qildi.
“Nima bo‘lishidan qat’iy nazar, hayotiy tajribamiz bor, shu uchun har qanday ssenariyga tayyormiz. Ular o‘zlari nima haqiqda kelishib olishganidan qat‘iy nazar, Ukraina bunga tayyor", - dedi Kuleba.
Putin va Lukashenko 19-dekabrda Belarusda uchrashdi
19-dekabr kuni Minskda Lukashenko va Putin o‘rtasida uchrashuv bo‘lib o‘tdi. Milliy xavfsizlik va mudofaa kengashi kotibi Aleksey Danilovning fikricha, Putin Minskka tashrifi chog‘ida Lukashenkoga Belarus qo‘shinlarini Ukrainaga qarshi urushga jo‘natish uchun bosim o‘tkazgan. Urushni o'rganish instituti (ISW) Lukashenko Rossiya prezidentining taklifiga rozi bo‘lmaganini ilgari surdi.
Izoh (0)