19-dekabrga o‘tar kechasi Kiyevga kamikadze dronlaridan hujum qilindi. Ukraina poytaxti meri Vitaliy Klichko shaharning Solomenskiy va Shevchenkivskiy tumanlarida bir necha portlash sodir bo‘lganini ma’lum qildi.
Shahar harbiy ma’muriyati rahbari Sergey Popkoning so‘zlariga ko‘ra, Kiyev havo hududida Eronda ishlab chiqarilgan yigirmadan ortiq “Shahed” uchuvchisiz uchoqlari qayd etilgan. Havo hujumidan mudofaa tizimlari 15 ga yaqin dronni urib tushirdi. Hujum oqibatida muhim infratuzilma obyektlariga zarar yetdi.
Kiyev viloyati ma’muriyati ham hujum chog‘ida xususiy uylarga zarar yetganini ma’lum qildi. Dastlabki ma’lumotlarga ko‘ra, ikki kishi jarohatlangan.
Hujum munosabati bilan Kiyevda elektr energiyasi favqulodda o‘chirish boshlandi.
Oktabr oyi boshidan beri Rossiya Mudofaa vazirligi Ukrainaning harbiy va energetika infratuzilmasiga muntazam raketa zarbalari berib kelmoqda. Hujumlarda Rossiya Erondan sotib olgan dronlardan ham foydalanmoqda.
17-oktabr kuni Kiyevga dronlar hujumi oqibatida turar joy binosi vayron qilingan va bir necha tinch aholi halok bo‘lgan edi.
Izoh (0)