Gruziyaning Batumi shahridagi turar joy majmuasining 24—25-qavatlarida joylashgan restoran yonib ketdi. Bu haqda “Rustavi 2” telekanali xabar bermoqda.
Vox restorani binoning eng yuqoridagi ikki qavatini egallagan, muassasaning ikkinchi qavati butunlay yonib ketgan. Yong‘inning xonadonlarga tarqalib ketish xavfi tufayli binodan 250 ta oila evakuatsiya qilindi, deyiladi telekanal xabarida. Batumi meri Archil Chikovani aholi evakuatsiya qilinganini tasdiqlab, qurbonlar haqida ma’lumot yo‘qligini qo‘shimcha qildi.
#Adjara #Georgia🇬🇪- Fire blaze erupts at restaurant on the top floor of the Vox residential complex on Kobaladze street in #Batumi, with debris falling down the high-rise building (📹Nini kadaria) pic.twitter.com/C80bFlUu3e
— CyclistAnons🚲 (@CyclistAnons) December 19, 2022
Chikovanining so‘zlariga ko‘ra, restoran ta’mirlanayotgani uchun ishlamayotgan edi. Binoning vayron bo‘lgan qismlari qulab tushishi xavfi tufayli majmuaga barcha kirish yo‘llari to‘sib qo‘yilgan.
Avvalroq Afg‘onistonning Parvon viloyati Salang tunnelida yuz bergan yong‘in oqibatida 19 kishi halok bo‘lgan edi.
Izoh (0)