2022-yil aksariyat mashhur insonlar oilasiga yangi jajji mehmon tashrif buyurib, ularni xursand qildi. Lisa nashri 2022-yilda ota-ona bo‘lgan mashhur juftliklar haqida ma’lumot berdi.
Kayli Jenner va Trevis Skott
Fevral oyi boshida, ya’ni 2022-yilning 2-fevralida Kayli va uning sevgilisi, reper Trevis Skott ikkinchi marta ota-ona bo‘ldi. Mashhur juftlikning oilasida o‘g‘il farzand dunyoga keldi, bundan tashqari ularning to‘rt yoshli Stormi ismli qizi ham bor.
Qizig‘i shundaki, ko‘pchilik Jenner farzand dunyoga keltirishni chiroyli sanada rejalashtirgan deb o‘ylagan, ayrimlar esa uning Yangi yil bayramidan oldin farzand dunyoga keltirishini taxmin qilgan. Biroq Kayli bu taxminlarning hech qaysiga izoh bermadi.
Kayli farzandiga Vulf deb ism qo‘ydi, biroq keyin fikrini o‘zgartirganini ma’lum qildi, u hozircha bu qanday ism ekanini aytmagan. “O‘g‘limiz bundan keyin Vulf deb nomlanmaydi. Bu chaqaloq uchun to‘g‘ri ism emasligini tushundik. Bundan tashqari, biz bu so‘nggi paytlarda juda mashhur bo‘lib ketganini payqadik”, — deydi Jenner.
Rozi Xantington-Uaytli va Jeyson Stetxem
Rozi ham shu yilning fevral oyi boshida ona bo‘ldi. Model va aktyor Jeyson Stetxemning oilasida Izabella ismli qiz farzand dunyoga keldi. Juftlikning Jek Oskar ismli besh yoshli o‘g‘li ham bor.
Qizig‘i shundaki, Rozi va Jeyson 12 yildan beri birga yashaydi, biroq rasman nikohdan o‘tmagan, aktyor 2016-yilda o‘z sevgilisiga turmush qurishni taklif qilgan.
Krishtianu Ronaldu va Jorjina Rodriges
Shu yilning aprel oyida Krishtianu va uning sevgilisi egizak farzandli bo‘ldi. Biroq egizak farzandlardan biri tug‘ilish jarayonida vafot etdi, shuning uchun mashhur juftlik uzoq vaqt o‘ziga kela olmadi.
“Biz kichkina farzandimizning vafot etganini chuqur qayg‘u bilan e’lon qilamiz. Bu har qanday ota-ona boshdan kechirishi mumkin bo‘lgan eng katta og‘riqdir. Faqatgina qizimizning tug‘ilishi bizga bu onni umid va baxt bilan o‘tkazishga kuch beradi. Shifokorlar va hamshiralarga qo‘llab-quvvatlagani hamda ko‘rsatgan yordami uchun minnatdorchilik bildiramiz. Chuqur qayg‘udamiz va bu juda og‘ir vaqtda turli xil asossiz ma’lumotlar tarqatmaslikni so‘raymiz. Bolam, sen bizning farishtamizsan. Biz seni abadiy sevamiz”, — deydi Ronaldu.
Futbolchi qiziga Bella Esmeralda deb ism qo‘ydi. Juftlikning 3 yoshli Alana Martina ismli qiz farzandi bor. Shuningdek, Rodriges Ronalduning surrogat onadan tug‘ilgan uch nafar farzandiga ham onalik qiladi.
Priyanka Chopra va Nik Jonas
Yanvar oyida Priyanka va Nik Malti Mari ismli qizga ota-ona bo‘ldi. Qizaloqni surrogat ona tug‘ilishidan 12 hafta oldin dunyoga keltirgan. Malti Mari juda kichkina va biroz zaif bo‘lgani uchun u deyarli to‘rt oyni kasalxonada o‘tkazishga majbur bo‘ldi. Hozirda qizaloqning ahvoli yaxshi, biroq mashhur juftlik farzandini ommaga ko‘rsatmaydi.
Sofi Tyorner va Jo Jonas
Sofi 2020-yilda birinchi qizi Villa tug‘ilgandan so‘ng, ikkinchi marotaba farzandli bo‘lishni xohlayotganini tan oldi. Biroq u roppa-rosa ikki yildan so‘ng o‘z istagini amalga oshirdi. Sofi va uning turmush o‘rtog‘i, xonanda Jo Jonas 2022-yilning iyul oyida ikkinchi qizaloqqa ota-ona bo‘ldi. Biroq juftlik hozirgacha farzandining ismini ommaga ma’lum qilmagan.
“Men uchun hayotning mazmuni – kelajak avlodni tarbiyalash. Hayotdagi eng ajoyib narsa qizimning kuchayib borayotganini ko‘rishdir. Biz oilamiz kattalashganidan juda xursandmiz. Bu dunyodagi eng yaxshi ne’mat”, — deydi aktrisa.
Jennifer Lourens va Kuk Maroni
Jennifer homiladorligini juda uzoq vaqt davomida, paparatssilar uni sirini ochishga muvaffaq bo‘lmaguncha yashirdi. Biroq, farzandini dunyoga keltirishi haqida uning o‘zi emas, insayderlar gapirgan. Aktrisa va uning turmush o‘rtog‘i Kuk Maroni oilasida o‘g‘il farzand dunyoga keldi, ular o‘g‘liga Say ism qo‘ydi.
Rianna va A$AP Rocky
Butun dunyo homilador Riannaning modadagi chiqishlarini qiziqish bilan kuzatib bordi. May oyida Rianna o‘g‘il farzandni dunyoga keltirdi, biroq xonanda hozircha uning ismini aytmaydi va chaqaloqning suratini ijtimoiy tarmoqlarga joylashtirishdan bosh tortadi.
Ed Shiran va Cherri Siborn
Britaniyalik musiqachi Ed Shiran va uning rafiqasi Cherri ham may oyida ota-ona bo‘ldi. Juftlik ikkinchiga qiziga g‘ayrioddiy — Yupiter Siborn ismini qo‘ydi. “Sizlarga shuni ma’lum qilmoqchimanki, bizning oilamizda yana bir ajoyib qizaloq dunyoga keldi. Ikkalamiz ham oilamiz to‘rt kishiga ko‘payganidan juda xursandmiz”, — deydi Shiran.
Kventin Tarantino va Daniela Pik
Mashhur Gollivud rejissori, uzoq vaqt bo‘ydoq bo‘lgan va 55 yoshida, bundan to‘rt yil oldin isroillik xonanda Daniela Pikka bilan turmush qurdi. Xonanda Kventindan 25 yosh kichik, 2020-yilda juftlik Leo ismli o‘g‘ilga ota-ona bo‘ldi va 2022-yilning iyul oyida ularning qiz farzandi Isroilda tug‘ildi.
Hilariya va Alek Bolduin
Joriy yilning sentabr oyida Gollivud aktyorining oilasi yanada kengaydi — uning rafiqasi yettinchi farzandini dunyoga keltirdi. Alek va Hilariyaning oilasida yana bir qiz farzand dunyoga keldi. “Biz sizga o‘zimizning kichkina orzumiz Ilariya Katalina Irenani tanishtirishdan juda xursandmiz”, — deydi aktyorning rafiqasi ijtimoiy tarmoqlarda. 2021-yilning mart oyida juftlikning yana bir qizi surrogat ona orqali dunyoga kelgan edi.
Adriana Lima va Andre Lemmers
2021-yilda braziliyalik model prodyuser Andre Lemmers bilan uchrashishni boshladi va shu yilning kuzida juftlik Siyan ismli o‘g‘il farzandga ota-ona bo‘ldi. “Bu ko‘rinadigan yorug‘lik spektrida yashil va ko‘k o‘rtasidagi rang. Sian — Bora-Bora va Maldiv orollaridagi suvning rangi, bizning oilamiz sevadigan joylar. Sian bizning sevimli rangimizga aylandi. Bu kichkina bolakayimizning ko‘z rangi”, — deydi Adriana. Ma’lumot uchun, Limaning serbiyalik basketbolchi Mark Yarich bilan birinchi turmushidan ikki qizi bor.
Mavzuga doir:
- “Yetarlicha ideal emas”: tashqi ko‘rinishi tufayli kastingdan o‘tolmagan mashhurlar (foto).
- Ishdan haydalgan Madonna, uxlab qolgani uchun aktrisa bo‘lgan Meril Strip, uyida sher va fil boqqan Melani Griffit — mashhurlar haqida siz bilmaydigan qiziqarli faktlar.
- Mashhurlar qanday uylarda yashaydi? Eng zamonaviy uylarning betakror interyerlari.
- Maykl Jekson, Nikolas Keyj va boyligini birdaniga yo‘qotib, kambag‘alga aylangan boshqa badavlat mashhurlar (foto).
Izoh (0)