Sochlaringizni to‘g‘ri parvarish qilasizmi? Agar barchasi ko‘ngildagidek bo‘lsa, demak, ular qalin va jilokor. Ammo ko‘pchilik bu borada bir nechta xatolarga yo‘l qo‘yadi. Elle nashri soch parvarishi borasida tezroq voz kechish kerak bo‘lgan zararli odatlar haqida so‘z yuritdi.
Amerikaning “Refinery 29” saytida qishda sochni parvarish qilishda yo‘l qo‘yiladigan eng ko‘p uchraydigan xatolarga bag‘ishlangan qiziqarli maqola paydo bo‘ldi. Unga ko‘ra trixolog Anjela Onuoha voz kechish kerak bo‘lgan bir nechta odatlarni sanab o‘tdi.
Nam sochlar bilan ko‘chaga chiqmang
Yozda, quruq, issiq havoda fendan butunlay voz kechib, sochlarni shamolda quritish mumkin. Biroq qishda buni takrorlash mutlaqo mumkin emas. Agar sochlarni to‘g‘ri quritishga vaqt bo‘lmasa, yaxshisi quruq shampun bilan turmakni yangilagan ma’qul. Aks holda, boshni shamollatish va sochlarga zarar yetkazish xavfi tug‘iladi. Shamol va past harorat sochlarni mo‘rt va quruq qiladi. Mutaxassislar qishda sochlarni ob-havodan qo‘shimcha himoya qilish uchun bosh kiyim kiyishni tavsiya qiladi.
Soch uchun konditsionerni ko‘p ishlatmang
Sochning holatini yaxshilash umidida bir shisha oziqlantiruvchi konditsionerdan foydalanish mantiqsiz ishdir. Bu yerda miqdor muhim emas. Muhimi, qo‘shimcha parvarishni qanday qo‘llashda. Misol uchun, mutaxassis haftada bir necha marta namlantiruvchi mahsulotlarni qo‘llashni tavsiya qiladi: “Nam sochlarga konditsionerni qo‘llang, uni bir necha daqiqaga qoldiring va yuving. Keyin sochlarni shampun bilan yuving, yuving va sevimli niqobni qo‘llang. So‘ng ularni yaxshilab yuvib tashlang”.
Konditsionerni to‘g‘ri qo‘llashga e’tibor berish lozim: “Sochni yuvgandan so‘ng konditsionerning ta’sirini yaxshilash uchun har doim uni tolalarga to‘g‘ri surtish kerak. Aks holda, mahsulot oddiygina suv bilan birga oqib chiqadi”.
Sochlarni yuvgandan keyin darhol quritmang
Dush qabul qilgandan keyin nam sochlarni darhol quritish zararli, chunki issiq havo tom ma’noda namlik bilan to‘yingan tolalarni qizdiradi va ularga zarar yetkazadi. Quritishdan oldin mutaxassis ortiqcha namlikni mukammal yutadigan mikrofiber sochiqni, shuningdek, sochlarga qo‘shimcha himoya qatlamini yaratadigan termal himoya spreyi ishlatishni tavsiya qiladi.
Soch uchun silikon mahsulotlardan foydalanishdan qo‘rqmang
Sochni parvarish qilish uchun silikon asosidagi ko‘plab ajoyib mahsulotlar mavjud, ular tolalarni namlaydi. Sochni parvarish qilishda ishlatiladigan silikonlarning ko‘pchiligini yuvish juda oson — ularning afzalliklari har qanday kamchiliklardan ancha ustundir. “Kremniy asosidagi yog‘lar soch tolasini oziqlantirishga yordam beradi, uni silliq qiladi”, — deydi ekspert.
Qattiq tabiiy tukli taroqlardan ortiqcha foydalanmang
Aksariyat stilistlar tabiiy tukli taroqlarni yoqtirmaydi. Birinchidan, ular allergik reaksiyaga olib kelishi mumkin. Bundan tashqari, cho‘tka taroqlari jingalak sochga dosh berolmaydi: yumshoq tolalar ularni tarashga qodir emas. Qattiq tuklar tarash paytida soch tolasiga zarar yetkazadi, bu esa ularni uzoq muddatga zaiflashtirishi mumkin. Qattiq cho‘tkali taroqlar o‘rniga moslashuvchan tishli yumshoqlarni tanlash tavsiya etiladi. Ular sochni sindirmaydi, yulmaydi va to‘kilishiga olib kelmaydi.