Turkiya prezidenti Erdo‘g‘on qancha maosh olishi ma’lum qilindi

Turkiya vitse-prezidenti Fuat O‘qtay 2023-yilgi budjet bo‘yicha yig‘ilishda deputatlarning savollariga javoban mamlakat prezidenti Rajab Toyyib Erdo‘g‘onning oylik maoshini oshkor qildi.

“2022-yilning ikkinchi yarmi va 2023-yil uchun ajratilgan mablag‘da o‘sish kuzatilmadi. 2022-yilgi budjetda prezidentimizning sof maoshi bor-yo‘g‘i 66 445 turk lirasini (3 565 dollar) tashkil etadi”, — dedi Fuat O‘qtay.

Turkiyada 2023-yilning iyun oyida prezidentlik va parlament saylovlarini o‘tkazish rejalashtirilgan. 2003-yildan buyon hokimiyat tepasida turgan Erdo‘g‘on 10-dekabr kungi nutqida prezidentlik saylovlarida so‘nggi bor ishtirok etishi, so‘ng hokimiyat jilovini “yoshlar”ga topshirishiga shama qildi.

Mavzuga doir: 

• Ukrainadagi tinchlik kaliti Erdo‘g‘onning qo‘lida — ekspertlar
• “Tayfun ballistik raketasi bilan javob qaytariladi”. Erdo‘g‘on Gretsiyani Egey dengizidagi orollarga qurol jo‘natish oqibatlaridan ogohlantirdi