Туркия вице-президенти Фуат Ўқтай 2023 йилги бюджет бўйича йиғилишда депутатларнинг саволларига жавобан мамлакат президенти Ражаб Тоййиб Эрдўғоннинг ойлик маошини ошкор қилди.
«2022 йилнинг иккинчи ярми ва 2023 йил учун ажратилган маблағда ўсиш кузатилмади. 2022 йилги бюджетда президентимизнинг соф маоши бор-йўғи 66 445 турк лирасини (3 565 доллар) ташкил этади», — деди Фуат Ўқтай.
Туркияда 2023 йилнинг июнь ойида президентлик ва парламент сайловларини ўтказиш режалаштирилган. 2003 йилдан буён ҳокимият тепасида турган Эрдўғон 10 декабрь кунги нутқида президентлик сайловларида сўнгги бор иштирок этиши, сўнг ҳокимият жиловини «ёшлар»га топширишига шама қилди.
Мавзуга доир:
Изоҳ (0)