O‘zbekistonda eng ko‘p ipoteka krediti ajratayotgan banklar ro‘yxati e’lon qilindi

O‘zbekistonda yanvar—noyabr oylarida eng ko‘p ipoteka krediti ajratgan banklar ro‘yxati ma’lum bo‘ldi. Bu haqda Moliya vazirligi xabar bermoqda.

2022-yil 1-dekabr holatiga ko‘ra, yangi tartib doirasida banklar tomonidan umumiy 7,3 trln so‘mlik ipoteka krediti ajratilgan.

Ma’lumotlarga ko‘ra, “Qishloq qurilish banki” ipoteka krediti berayotgan 12 ta bank orasida yetakchilik qilmoqda. Yil boshidan beri bank tomonidan 1,7 trln so‘mlik bunday krediti ajratilgan.

Ikkinchi o‘rinda 1,5 trln so‘m kredit bergan “Ipoteka bank” joylashgan. Uchinchi o‘rinni esa “O‘zmilliybank” 1,2 trln so‘mlik ipoteka krediti bilan egallagan.

Berilgan ipoteka kreditlarining qiymati bo‘yicha keyingi o‘rinlarda:

• “Xalq banki” — 837 mlrd so‘m;
• “OFB” — 629 mlrd so‘m;
• “O‘zSQB” — 283 mlrd so‘m;
• “Mikrokreditbank” — 257 mlrd so‘m;
• “Hamkorbank” — 239 mlrd so‘m;
• “Asakabank” — 196 mlrd so‘m;
• “Agrobank” — 195 mlrd so‘m;
• “Aloqabank” — 174 mlrd so‘m.

“Turonbank” joriy yil boshidan beri 121 mlrd so‘mlik ipoteka krediti bilan eng oxirgi o‘rini egallagan.

Avvalroq O‘zbekistonda yil boshidan beri qancha odam ipoteka krediti olgani ma’lum bo‘lgandi.