Argentina terma jamoasi hujumchisi Lionel Messi Xorvatiyaga qarshi bahsdan so‘ng (3:0) o‘z fikrlarini bildirib o‘tdi.
Argentina asosiy favorit bo‘lmagani haqidaAsosiy favorit emasligimizni bilardik, shunga qaramasdan hech kimga yutqazishni xohlamadik va buni har bir o‘yinda isbotlashga harakat qilib kelmoqdamiz.
Xorvatiya to‘pni ko‘proq nazorat qilishini bilardik, ularning yarim himoyasi juda kuchli. Biroq biz yaxshiroq tayyorgarlik ko‘rdik. Tarkibimizda o‘yinni o‘qiy oladigan juda aqlli futbolchilar bor.
Murabbiylar shtabi ham ajoyib.
Uddalay olishiga ishongani haqida
Turli hissiyotlar qamrab olgan. Albatta, bu yaxshi. Jahon Chempionati davomida atrofimdagi odamlarni va oilamni ko‘rib turish juda ajoyib. So‘nggi o‘yin sari olg‘a! Biz xohlagan narsa ham shu edi.
Uzoq vaqtdan buyon har bir o‘yindan zavq olyapman. Uddalay olishimizga ishonchimiz komil edi. Biz kimligimizni bilamiz va odamlardan bizga ishonishini so‘radik.
Va yana Argentina favoritga aylandi. Keling, zavqlanaylik!
Qiyin vaziyatlar bilan birga juda yaxshi damlarni ham boshdan kechirdik. Men tribunadagi va Argentinada qolgan barcha muxlislar bilan birgalikda xursandman.
Qatardagi mundial o‘zi uchun eng so‘nggisi bo‘lishi haqida
Jahon Chempionatidagi yo‘limni finalda yakunlayotganimdan, so‘nggi o‘yinim final bo‘lganidan juda xursandman. Bu haqiqatan ham yoqimli.
Keyingi mundialgacha hali ko‘p yillar bor. Keyingi Jahon Chempionatida o‘ynashga ishonchim komil emas. Shu tariqa yo‘lni yakunlash — ajoyib.
Lionel Messi, Argentina terma jamoasi hujumchisi
Izoh (0)