Аргентина терма жамоаси ҳужумчиси Лионель Месси Хорватияга қарши баҳсдан сўнг (3:0) ўз фикрларини билдириб ўтди.
Аргентина асосий фаворит бўлмагани ҳақидаАсосий фаворит эмаслигимизни билардик, шунга қарамасдан ҳеч кимга ютқазишни хоҳламадик ва буни ҳар бир ўйинда исботлашга ҳаракат қилиб келмоқдамиз.
Хорватия тўпни кўпроқ назорат қилишини билардик, уларнинг ярим ҳимояси жуда кучли. Бироқ биз яхшироқ тайёргарлик кўрдик. Таркибимизда ўйинни ўқий оладиган жуда ақлли футболчилар бор.
Мураббийлар штаби ҳам ажойиб.
Уддалай олишига ишонгани ҳақида
Турли ҳиссиётлар қамраб олган. Албатта, бу яхши. Жаҳон Чемпионати давомида атрофимдаги одамларни ва оиламни кўриб туриш жуда ажойиб. Сўнгги ўйин сари олға! Биз хоҳлаган нарса ҳам шу эди.
Узоқ вақтдан буён ҳар бир ўйиндан завқ оляпман. Уддалай олишимизга ишончимиз комил эди. Биз кимлигимизни биламиз ва одамлардан бизга ишонишини сўрадик.
Ва яна Аргентина фаворитга айланди. Келинг, завқланайлик!
Қийин вазиятлар билан бирга жуда яхши дамларни ҳам бошдан кечирдик. Мен трибунадаги ва Аргентинада қолган барча мухлислар билан биргаликда хурсандман.
Қатардаги мундиал ўзи учун энг сўнггиси бўлиши ҳақида
Жаҳон Чемпионатидаги йўлимни финалда якунлаётганимдан, сўнгги ўйиним финал бўлганидан жуда хурсандман. Бу ҳақиқатан ҳам ёқимли.
Кейинги мундиалгача ҳали кўп йиллар бор. Кейинги Жаҳон Чемпионатида ўйнашга ишончим комил эмас. Шу тариқа йўлни якунлаш — ажойиб.
Лионель Месси, Аргентина терма жамоаси ҳужумчиси
Изоҳ (0)