Ukraina Yevropa Ittifoqiga kirish bo‘yicha muzokaralarni boshlash uchun zarur bo‘lgan ommaviy axborot vositalari to‘g‘risidagi qonunni qabul qildi.
Oliy Rada OAV to‘g‘risidagi qonunni ikkinchi, yakuniy o‘qishda qabul qilgan. Unga 299 nafar deputat ovoz bergan, ikki nafari betaraf qolgan, hech kim qarshi ovoz bermagan.
Ta’kidlanishicha, yana 30 nafar deputat ovoz bermagan. Yangi qonun Milliy kengashga teleradio va radioeshittirish bo‘yicha ko‘proq vakolatlar beradi. Shunday qilib, Milliy kengash ro‘yxatdan o‘tmagan ommaviy axborot vositalarini sud qarorisiz vaqtincha, ikki haftaga bloklash huquqiga ega bo‘ldi.
“To‘liq blokirovka qilish faqat sud qarori bilan amalga oshadi”, — deydi Radaning gumanitar va axborot siyosati qo‘mitasi rahbari o‘rinbosari Yevgeniya Kravchuk.
Yevropa Ittifoqiga qo‘shilish bo‘yicha muzokaralarni boshlash uchun Ukraina Yevropa komissiyasi tomonidan belgilangan bir qator mezonlarga, jumladan, ommaviy axborot vositalarini tartibga solish talablariga javob berishi kerak.
Eslatib o‘tamiz, Zelenskiy 12-dekabr kuni Parijda “Ukraina xalqi bilan birdamlik” xalqaro anjumanida yig‘ilgan Yevropa yetakchilariga videomurojaat qilgandi. Prezident ularga oltita muammoni aytib, uni hal qilishda yordam so‘ragandi.
Izoh (0)