“Top Gan: Meverik” blokbasteri AQSH Milliy kinotanqidchilari kengashida yilning eng yaxshi filmi g‘olibi bo‘ldi. Gollivud yulduzi Tom Kruz ishtirokidagi “Top Gan: Meverik” filmining davomi 2022-yilning may oyida katta ekranlarga chiqdi va butun dunyo bo‘ylab prokatda 1,4 milliard dollar to‘plashga muvaffaq bo‘ldi, bu oraliqda yilning eng yuqori daromad keltirgan filmiga aylandi.
AQSH Milliy kinotanqidchilari kengashi 1909-yilda tashkil etilgan bo‘lib, yillik mukofotlar 1932-yildan boshlab berila boshlagan. Bu kino sohadagi eng qadimgi kinotanqid jamiyati hisoblanadi. Yilning boshqa laureatlari orasida Stiven Spilberg (“Fabelmanlar”), Kolin Farrel va Brendan Glison (“Inisherinalik Banshi”), “G‘arbiy frontda o‘zgarish yo‘q” filmi ssenariysi, boshqa loyihalar va ijodkorlar bor.
“Yilning eng yaxshi filmi — “Top Gan: Meverik”
“Yilning eng yaxshi rejissori” — Stiven Spilberg “Fabelmanlar” kinokartinasi muallifi
“Yilning eng yaxshi aktyori” — “Inisherinalik Banshi” filmida bosh rolni ijro etgan Kolin Farrell
“Yilning eng yaxshi aktrisasi” — “Hamma narsa bir vaqtning o‘zida hamma joyda” kinokartinasida bosh rolni ijro etgan Mishel Yeoh
“Ikkinchi plandagi eng yaxshi aktyor” — “Inisherinalik Banshi” filmi, Brendan Glison
“Ikkinchi plandagi eng yaxshi aktrisa” — Janell Mone “Pichoqlarni oling: Shisha piyoz”
“Yilning eng yaxshi aktyorlik ansambli” — “Ayollar gapiradi” filmi aktyorlari
“Eng yaxshi original ssenariy” — Martin MakDonax “Inisherinalik Banshi”
“Eng yaxshi moslashtirilgan ssenariy” — Edvard Berger “G‘arbiy frontda o‘zgarish yo‘q” filmi
“Aktyorlik bo‘yicha yil kashfiyoti” — Daniell Deduayler “Till” kinokartinasi
“Aktrisalik bo‘yicha yil kashfiyoti” — Gabriel LaBell “Fabelmanlar” filmi
“Rejissorlik sohasida yil kashfiyoti” — Sharlotta Uells “Mening quyoshim” filmi
“Eng yaxshi xorijiy film” — “Yaqin” Belgiya filmi
“Eng yaxshi animatsion film” — “Marsel, poyabzaldagi chig‘anoq”
2021-yili NBR Pol Tomas Andersonning “Qizilmiyali pitssa” filmini eng yaxshi kinokartina deb topgan edi. So‘nggi 13 yil ichida AQSH Milliy kinotanqidchilari kengashi tomonidan g‘olib deb topilgan kinokartinadan faqat bitta “Yashil kitob” loyihasi “Eng yaxshi film” nominatsiyasida “Oskar”ni qo‘lga kiritishga muvaffaq bo‘ldi.
Mavzuga doir:
Izoh (0)