«Топ Ган: Меверик» блокбастери АҚШ Миллий кинотанқидчилари кенгашида йилнинг энг яхши фильми ғолиби бўлди. Голливуд юлдузи Том Круз иштирокидаги «Топ Ган: Меверик» фильмининг давоми 2022 йилнинг май ойида катта экранларга чиқди ва бутун дунё бўйлаб прокатда 1,4 миллиард доллар тўплашга муваффақ бўлди, бу оралиқда йилнинг энг юқори даромад келтирган фильмига айланди.
АҚШ Миллий кинотанқидчилари кенгаши 1909 йилда ташкил этилган бўлиб, йиллик мукофотлар 1932 йилдан бошлаб берила бошлаган. Бу кино соҳадаги энг қадимги кинотанқид жамияти ҳисобланади. Йилнинг бошқа лауреатлари орасида Стивен Спилберг («Фабелманлар»), Колин Фаррел ва Брендан Глисон («Инишериналик Банши»), «Ғарбий фронтда ўзгариш йўқ» фильми сценарийси, бошқа лойиҳалар ва ижодкорлар бор.
«Йилнинг энг яхши фильми — «Топ Ган: Меверик»
«Йилнинг энг яхши режиссёри» — Стивен Спилберг «Фабелманлар» кинокартинаси муаллифи
«Йилнинг энг яхши актёри» — «Инишериналик Банши» фильмида бош ролни ижро этган Колин Фаррелл
«Йилнинг энг яхши актрисаси» — «Ҳамма нарса бир вақтнинг ўзида ҳамма жойда» кинокартинасида бош ролни ижро этган Мишел Еоҳ
«Иккинчи пландаги энг яхши актёр» — «Инишериналик Банши» фильми, Брендан Глисон
«Иккинчи пландаги энг яхши актриса» — Жанелл Моне «Пичоқларни олинг: Шиша пиёз»
«Йилнинг энг яхши актёрлик ансамбли» — «Аёллар гапиради» фильми актёрлари
«Энг яхши оригинал сценарий» — Мартин МакДонах «Инишериналик Банши»
«Энг яхши мослаштирилган сценарий» — Эдвард Бергер «Ғарбий фронтда ўзгариш йўқ» фильми
«Актёрлик бўйича йил кашфиёти» — Даниэлл Дедуайлер «Тилл» кинокартинаси
«Актрисалик бўйича йил кашфиёти» — Габриэль ЛаБелл «Фабелманлар» фильми
«Режиссёрлик соҳасида йил кашфиёти» — Шарлотта Уэллс «Менинг қуёшим» фильми
«Энг яхши хорижий фильм» — «Яқин» Бельгия фильми
«Энг яхши анимацион фильм» — «Марсель, пойабзалдаги чиғаноқ»
2021 йили НБР Пол Томас Андерсоннинг «Қизилмияли пицца» фильмини энг яхши кинокартина деб топган эди. Сўнгги 13 йил ичида АҚШ Миллий кинотанқидчилари кенгаши томонидан ғолиб деб топилган кинокартинадан фақат битта «Яшил китоб» лойиҳаси «Энг яхши фильм» номинациясида «Оскар»ни қўлга киритишга муваффақ бўлди.
Мавзуга доир:
Изоҳ (0)