Kremlga aloqador harbiylashtirilgan guruh NATO davlatlari chegarasi haqida razvedka ma’lumotlari yig‘moqda — The Guardian

Kremlga aloqador harbiylashtirilgan guruh o‘z a’zolaridan Latviya, Litva va Estoniyadagi chegara postlari haqida razvedka ma’lumotlarini taqdim etishni so‘radi. Bu haqda The Guardian xabar berdi.

Nashr ma’lumotiga ko‘ra, ushbu rus guruhlari NATO davlatlariga hujum qilishni rejalashtiryaptimi yoki yo‘qmi, degan xavotirni uyg‘otadi. Ukrainada jang qilayotgan va taniqli Vagner guruhiga aloqador “Task Force Rusich”ning rasmiy Telegram kanali o‘tgan hafta a’zolaridan uch Boltiqbo‘yi davlatidagi chegara postlari va harbiy harakatlarga oid tafsilotlarni yetkazishni so‘ragan. Ular patrul marshrutlariga, harbiylar va ularning qarindoshlari, kuzatuv tizimlari haqidagi ma’lumotlarga ega bo‘lmoqchi.

Xabar Ukrainada jang qilayotgan o‘ta o‘ngchi Kremlga yaqin fraksiyalarga kim rahbarlik qilayotgani haqida savollar tug‘diradi. Nashr manbalarining anonimlik sharti bilan aytishicha, “Rusich”ning bu harakati Kremldan hayratlanish va Ukrainadagi urush ketayotganidan norozilikni ko‘rsatishi mumkin.

Ularning qo‘shimcha qilishicha, Kreml o‘zining o‘ta o‘ng rossiyalik yarim harbiy kuchlari ustidan nazoratni yo‘qotishi mumkin, bu esa ekstremal usullardan foydalanishni anglatadi. Jumladan, bu NATO davlatiga hujum qilingan taqdirda vaziyat kuchayishini oshiradi.

Manbalarga ko‘ra, “Rusich” guruhi tomonidan ma’lumotlar to‘planishi Kreml tomonidan nazorat qilinishi dargumon.

Mavzuga doir: “Ukrainadagi nizo NATO va Rossiya o‘rtasidagi urushga aylanib ketishi mumkin. Biz bunga yo‘l qo‘ymaslikka urinyapmiz”— Stoltenberg