Yevropa Ittifoqi Turkiya hukumatini Rossiyaga nisbatan savdo siyosatini o‘zgartirishga va Moskvaga qarshi sanksiyalarga rioya qilishga chaqirdi. Bu haqda Deutsche Welle xabar berdi.
Ma’lum qilinishicha, Ukrainadagi urush boshlanganidan beri Turkiya Rossiya bilan savdo aloqalarini kengaytirgan.
“Turkiyaning Rossiyaga qarshi Yevropa Ittifoqiga qo‘shilmaslik siyosati tobora xavotirga sabab bo‘lmoqda”, — deydi Yevroittifoqning tashqi ishlar va xavfsizlik siyosati bo‘yicha oliy vakili Jozep Borrel.
Urush fonida Turkiya Rossiyaga mahsulot eksportini ham, Moskvadan neft sotib olishni ham keskin oshirgan. Borrell Anqaraga YI bilan tuzilgan bojxona ittifoqini va Turkiya Yevropa Ittifoqiga nomzod maqomiga egaligini eslatdi.
“Yevropa Ittifoqi barcha nomzod davlatlardan Rossiyaga qarshi ko‘rilgan choralarga rioya qilishni kutadi”, — dedi u.
Turkiya prezidenti Rajab Toyyib Erdo‘g‘on va Rossiya prezidenti Vladimir Putin avgust oyida iqtisodiy hamkorlikni yanada kengaytirishga kelishib olgan. G‘arb kompaniyalari o‘z tovarlarini Turkiya orqali Rossiyaga sotishda davom etayotgani aytilmoqda. Shu sababdan AQSH ma’muriyati allaqachon Turkiyaga ikkinchi darajali sanksiyalar bilan tahdid qilgan.
Mavzuga doir: Yevropa Ittifoqi Rossiyaga qarshi to‘qqizinchi sanksiyalar paketi ustida ishlamoqda
Izoh (0)