Bugun, 6-dekabr kuni Oliy Majlis Qonunchilik palatasida “Ma’muriy sud ishlarini yuritish to‘g‘risidagi kodeksiga o‘zgartish kiritish haqida”gi qonun loyihasi birinchi o‘qishda ko‘rib chiqildi.
Statistikaga ko‘ra, ma’muriy sudlar tomonidan 2021-yilda 15 mingdan ortiq ish ko‘rilgan. Shundan 5 ming 300 dan ortiq arzilarni qanoatlantirish rad etilgan. Shu arizalarning 883 tasi shikoyat qilish muddati o‘tgani sababli rad etilgan. 2022-yilning o‘tgan 8 oyida ham 867 ta ish bo‘yicha shunday asos bilan arizani qanoatlantirish rad etilgan. Bunda sudlar tomonidan qanoatlantirish rad etilgan arizalarning o‘rtacha 20 foizi shikoyat qilish muddati o‘tgani sababli rad etilgan.
Majlisda Oliy sud raisi o‘rinbosari Shuhrat Polvonov qonun loyihasi haqida axborot berdi. Ma’lum qilinishicha, davlat organi qarori yoki mansabdor shaxs ustidan sudga shikoyat qilish muddatini uzaytirish odil sudlovga erishish uchun muhim ahamiyatga ega.
Bugungi kunda davlat organi qarori, mansabdor shaxs ustidan sudga shikoyat qilish uchun belgilangan muddatning qisqa ekani fuqaro va tadbirkorlik subyektlarining buzilgan huquqlarini tiklash imkonini bermayapti. Shu sababli, keng jamoatchilik, xususan, sohada faoliyat yuritib kelayotgan amaliyotchi yuristlar, huquqshunos blogerlar tomonidan bildirilgan taklif va mulohazalar, sud amaaliyoti tahlili natijalaridan kelib chiqib, ushbu muddatni qayta ko‘rib chiqish va uzaytirish zaruriyati kelib chiqmoqda.Shuhrat Polvonovning qo‘shimcha qilishicha, qonun loyihasi jamoatchilik muhokamasidan o‘tkazilgan va davlat byudjetidan qo‘shimcha xarajatlarni talab etmaydi.“Ma’muriy sud ishlarini yuritish to‘g‘risida”gi kodeksning 186-moddasida davlat organining qaroridan yoki mansabdor shaxslar qarori, harakati yoki harakatsizligi ustidan ariza va shikoyat mansabdor shaxsga o‘zining huquq va erkinliklari, qonuniy manfaatlari buzilgani to‘g‘risida ma’lum bo‘lgan paytdan boshlab, 3 oy ichida sudga berilishi mumkinligi belgilangan. Bu esa odil sudlovga erishish darajasini cheklab, fuqarolar va tadbirkorlarning haqli e’tirozlariga sabab bo‘lmoqda. Shu munosabat bilan, aholidan kelib tushayotgan takliflarni inobatga olib, sudga murojaat qilishni yanada erkinlashtirish, aholining odil sudlovdan foydalanishini kengaytirish maqsadida “Ma’muriy sud ishlarini yuritish to‘g‘risida”gi kodeksga ma’muriy organning, fuqarolar o‘zini o‘zi boshqarish organining, ular mansabdor shaxslarining qarori, harakati (harakatsizligi) ustidan sudga shikoyat qilishni 3 oylik muddatini 6 oyga uzatyiirish taklif etilmoqda. Bu turli sabablarga ko‘ra vaqtida shikoyat qila olmagan taraflarning sud qarori ustidan shikoyat qilish imkoniyatini kengaytirishga xizmat qiladi.
Qonun loyihasi deputatlar tomonidan birinchi o‘qishda qabul qilindi.
Izoh (0)