O‘zbekistonda noqulay ob-havo sharoitini inobatga olgan holda, fuqarolar osoyishtaligini ta’minlash, hayoti va sog‘lig‘i hamda mulkini himoyalash, shuningdek, qiyin vaziyatlarda ko‘mak ko‘rsatish maqsadida Po‘lat Bobojonov buyrug‘iga asosan Ichki ishlar organlarining barcha shaxsiy tarkibi kuchaytirilgan xizmat tartibiga o‘tkazilgan.
Ushbu chora-tadbirlar doirasida PPX xodimlari xizmat yo‘nalishlarida mavjud bo‘lgan aholi ko‘p to‘planadigan joylar, bozorlar, qurilishi tugallanmagan binolar, ovloq joylar, yerto‘lalarda yashash xonadoniga ega bo‘lmagan (daydi)larni aniqlab sovuqdan muzlab qolmasliklari uchun IIB Yashash joyiga ega bo‘lmagan shaxslarni reabilitatsiya qilish markaziga joylashtirmoqda.
Xususan, kuni kecha Navoiy shahridagi ko‘pqavatli uy podyezdida uxlab qolgan fuqaro sovuqda muzlab qolmasligi uchun IIB Yashash joyiga ega bo‘lmagan shaxslarni reabilitatsiya qilish markaziga olib borib qo‘yilgan.
Shunday kishilarning yana ikki nafari yer ostidagi isitish quvuri yonida tunagani aniqlanib, ular ham PPX xodimlari yordamida reabilitatsiya markaziga olib borilgan.
Fuqarolarni har qanday tahdidli vaziyatlarda, xonadonda, ko‘chada yoki yo‘llarda bo‘lishdan qat’iy nazar Ichki ishlar organlariga 102, 1102 va 1173 qisqa raqamlari orqali murojaat qilishi mumkin.
Mavzuga doir: O‘zbekistonda izg‘irin sovuq hafta oxirigacha saqlanib qoladi
Izoh (0)