Eron hukumati “Mossad” Isroil razvedka xizmati bilan hamkorlik qilishda ayblangan to‘rt kishini qatl qildi. Bu haqda IRNA agentligi xabar berdi.
Eron hukumati “Mossad” agentlarini aniqlash bo‘yicha operatsiyalar haqida muntazam ravishda hisobot berib turadi. May oyida Islom inqilobi posbonlari korpusi Isroil maxsus xizmatlarida ishlagani aytilgan guruhning tugatilgani haqida e’lon qilgandi. Qayd etilishicha, guruh a’zolari odamlarni o‘g‘irlab, guvohlik berishga majburlagan, shuningdek, shaxsiy va jamoat mulkini yo‘q qilgan.
Aprel oyi oxirida esa Eron hukumati Isroilning uch agenti hibsga olinganini ma’lum qildi. Mart oyida Eron Iroq Kurdistoni poytaxti Erbilga uyushtirilgan raketa hujumi uchun javobgarlikni o‘z zimmasiga oldi. Zarbalar nishoni “Mossad”ning ikki markazi bo‘lgan.
Izoh (0)