Xitoyning janubi-g‘arbidagi Sichuan provinsiyasida dunyodagi eng katta quyosh radioteleskopining qurilishi yakunlandi. Bu haqda Space xabar berdi.
Quyosh radioteleskopi diametri 6 metr bo‘lgan 313 ta antennadan iborat bo‘lib, ularning barchasi diametri 3,14 kilometr bo‘lgan doira ichida joylashgan. Radioteleskopini qurish Xitoyga 14 million dollarga tushgan va 2023-yil iyun oyida ishga tushadi. Teleskopning asosiy vazifasi Quyoshdagi otilishlar, chaqnash va ularning Yerga qanday ta’sir qilishini o‘rganishdir.
Xitoylik olimlarning fikricha, ushbu quyosh radioteleskopidan foydalanib, Yerda kuchli geomagnit bo‘ronlar yuzaga kelishi va fazodagi kosmik ob-havoni bashorat qilish mumkin.
Ma’lumot o‘rnida, Xitoy Sichuan provinsiyasida 2026-yilda ishga tushadigan ulkan optik teleskop qurilishini boshladi.
Izoh (0)