Buxoro viloyatida bo‘lib o‘tayotgan sudda Nukus voqealarida ayblanayotganlarning yana ikki nafari Dauletmurat Tajimuratov va Lolagul Qallixanovaga qarshi ko‘rsatuv berdi.
Sud tergovi davomida so‘roq qilingan sudlanuvchi N.Nayipov o‘z ko‘rsatuvlarida aybiga to‘liq iqrorligini, muqaddam ichki ishlar tizimida ishlab, nafaqaga chiqa olmaganligini, agar D.Tajimuratovni qo‘llab-quvvatlasa, uning nafaqaga chiqishiga yordam berishiga umid qilganligini, yaqinda 55 yoshga kirishini, to‘rt nafar farzandi va besh nafar nabirasi borligini ma’lum qilgan.
Sudlanuvchi shuningdek, bolalari “otam qachon keladi” deb uyda ko‘zi to‘rt bo‘lib kutib o‘tirganini, adashganini, D.Tajimuratovga ishonib qolganini aytib, chin ko‘ngildan pushaymonligini ma’lum qildi.
Yana bir sudlanuvchi A.Temirxanov ham xalqdan kechirim so‘rab, xalq tinchligi buzilishiga Tajimuratov va Qallixanovalar sababchiligini, shularga ergashib jinoyat sodir qilganini, o‘zi 15 yildan beri “Ustyurtgeofizika” korxonasida ishlab kelayotganini, yaqinda o‘z uy-joyga ega bo‘lib, oilasi bilan ko‘chib o‘tganini, pushaymonligini va aybiga to‘liq iqrorligini bildirdi.
Avvalroq Dauletmurat Tajimuratovni yelkasiga chiqarib, Jo‘qorg‘i Kengesga ko‘tarib borgan gumondor Turdanov Nukus voqealarida Tajimuratovni aybdor ko‘rsatib, uni jinoyatchi va firibgar deb atagandi.
Mavzuga doir:
- “Jo‘qorg‘i Kenges deputatlari judayam passiv bo‘lgan, ular xalq bilan muloqot qilganda bu voqealar bo‘lmasdi” — Lolagul Qallixanova
- Nukus voqealarida ayblanayotganlar ustidan sud ishi boshlandi (foto)
- Nukus voqealarida ayblanayotganlar sudi davom etmoqda: asosiy gumonlanuvchilardan biri ikkinchisini firibgar deb atadi
- Nukusdagi tartibsizliklar oqibatida yetkazilgan zarar miqdori ma’lum bo‘ldi
- Qoraqalpog‘istondagi tartibsizliklar bo‘yicha sud: kim nimada ayblanayotgani ma’lum qilindi
Izoh (0)