Бухоро вилоятида бўлиб ўтаётган судда Нукус воқеаларида айбланаётганларнинг яна икки нафари Даулетмурат Тажимуратов ва Лолагул Қаллихановага қарши кўрсатув берди.
Суд тергови давомида сўроқ қилинган судланувчи Н.Найипов ўз кўрсатувларида айбига тўлиқ иқрорлигини, муқаддам ички ишлар тизимида ишлаб, нафақага чиқа олмаганлигини, агар Д.Тажимуратовни қўллаб-қувватласа, унинг нафақага чиқишига ёрдам беришига умид қилганлигини, яқинда 55 ёшга киришини, тўрт нафар фарзанди ва беш нафар набираси борлигини маълум қилган.
Судланувчи шунингдек, болалари «отам қачон келади» деб уйда кўзи тўрт бўлиб кутиб ўтирганини, адашганини, Д.Тажимуратовга ишониб қолганини айтиб, чин кўнгилдан пушаймонлигини маълум қилди.
Яна бир судланувчи А.Темирханов ҳам халқдан кечирим сўраб, халқ тинчлиги бузилишига Тажимуратов ва Қаллихановалар сабабчилигини, шуларга эргашиб жиноят содир қилганини, ўзи 15 йилдан бери «Устюртгеофизика» корхонасида ишлаб келаётганини, яқинда ўз уй-жойга эга бўлиб, оиласи билан кўчиб ўтганини, пушаймонлигини ва айбига тўлиқ иқрорлигини билдирди.
Аввалроқ Даулетмурат Тажимуратовни елкасига чиқариб, Жўқорғи Кенгесга кўтариб борган гумондор Турданов Нукус воқеаларида Тажимуратовни айбдор кўрсатиб, уни жиноятчи ва фирибгар деб атаганди.
Мавзуга доир:
- «Жўқорғи Кенгес депутатлари жудаям пассив бўлган, улар халқ билан мулоқот қилганда бу воқеалар бўлмасди» — Лолагул Қаллиханова
- Нукус воқеаларида айбланаётганлар устидан суд иши бошланди (фото)
- Нукус воқеаларида айбланаётганлар суди давом этмоқда: асосий гумонланувчилардан бири иккинчисини фирибгар деб атади
- Нукусдаги тартибсизликлар оқибатида етказилган зарар миқдори маълум бўлди
- Қорақалпоғистондаги тартибсизликлар бўйича суд: ким нимада айбланаётгани маълум қилинди