O‘zbekiston yil boshidan beri Rossiyaga 100 ming donadan oshiq televizor yetkazib bergani ma’lum qilindi

O‘zbekiston 2022-yilning yanvar—oktabr oylarida xorijga qiymati 28,9 mln dollarga teng bo‘lgan 171,6 ming dona televizor eksport qilgan. Bu haqda Davlat statistika qo‘mitasi xabar bermoqda. 

Televizor eksporti 2021-yilning mos davri bilan solishtirilganda qariyb 99,7 ming donaga oshgan. 

O‘zbekiston eng ko‘p televizorlarni Rossiyaga yetkazib bermoqda — 100,5 ming dona. Oktabr oyining o‘zida ushbu mamlakatga 27,5 ming dona televizor eksport qilingan. 

Ikkinchi o‘rindagi Ozarbayjonda bu ko‘rsatkich ikki barobardan ham kamroq — 42,7 mingta. O‘tgan oyda Ozarbayjon O‘zbekistonda 2,2 ming televizor importini amalga oshirgan. 

O‘zbekiston 10 oyda eng ko‘p televizor eksport qilgan qolgan davlatlar quyidagicha:

• Qozog‘iston — 16,5 ming dona;
• Tojikiston — 3,8 ming dona;
• Turkmaniston — 2,2 ming dona;
• Armaniston — 1,9 ming dona;
• Qirg‘iziston — 1,7 ming dona.