Xitoy hukumati yirik kompaniyalarni, jumladan Alibaba korporatsiyasi va Tencent telekommunikatsiya xoldingini AQSHdan mumkin bo‘lgan yangi cheklovlar fonida yarimo‘tkazgich chiplarini ishlab chiqish uchun jalb qildi. Bu haqda Financial Times xabar bermoqda.
Nashr ma’lumotlariga ko‘ra, loyihada Xitoy Fanlar akademiyasi va boshqa ilmiy muassasalar ham ishtirok etmoqda.
Yuqori texnologiyali gigantlar va ilmiy muassasalar konsortsiumi oldiga mamlakatning Yaponiyaning SoftBank xolding kompaniyasiga tegishli bo‘lgan yirik chip ishlab chiqaruvchi — ARMga qaramligini kamaytirish vazifasi qo‘yilgan.
Nashrning yozishicha, xitoylik ishlab chiquvchilar so‘nggi yillarda ARM tizimining asosiy raqobatchisiga aylangan ochiq RISC-V protsessor arxitekturasidan foydalanmoqda.
Bizning maqsadimiz — eng yuqori darajadagi mahsulotlar uchun ARM chiplarini yangi RISC-V asosidagilari bilan almashtirish, — deydi Alibaba T-head yarimo‘tkazgichlar bo‘limining katta muhandisi.
2020-yil sentabr oyida AQSH Savdo vazirligi Xitoyning SMIC kompaniyasiga Amerika texnologiya mahsulotlarini yetkazib berishga eksport cheklovlarini joriy qildi. Bunga Xitoy kompaniyasining mamlakat qurolli kuchlari bilan aloqasi borligi sabab qilib ko‘rsatilgan.
Joriy yilning oktabr oyi boshida Qo‘shma Shtatlar Xitoyning 28 texnologik kompaniyasiga butun dunyo bo‘ylab AQSHda ishlab chiqarilgan yarimo‘tkazgich chiplarini sotib olishni chekladi.
Cheklovlar nafaqat Amerika korxonalarini yetkazib berishga, balki Amerika yarimo‘tkazgich texnologiyalaridan foydalanadigan dunyodagi istalgan kompaniyaga ham tegishli.
Izoh (0)