Yevropada shamol turbinalari orqali elektr energiyasi ishlab chiqarish ikki baravarga kamaydi. Natijada gazning spot narxlari oshdi. Bu haqda “Kommersant” xabar berdi.
Yevropada gaz narxi 14-oktabrdan beri birinchi marta ming kub metr uchun 1,5 ming dollarga ko‘tarildi, — deya xabar bermoqda London ICE birjasi.
Niderlandiyadagi TTF markazida yanvar fyucherslarining narxi 2,5 foizga oshib, ming kub metr uchun 1 500,9 dollarni tashkil qildi.
Shuningdek, Yevropa davlatlari tomonidan narx chegarasini joriy etish tashabbusi muhokama qilinishi fonida gaz narxi ko‘tarila boshladi.
22-noyabr kuni Yevropa Komissiyasi tabiiy gaz narxini TTF hub indeksi asosida 1 MVt/soat uchun 275 yevroga cheklashni taklif qildi. Ming kub metr gaz narxi taxminan 3 ming dollarni tashkil etadi.
Rossiyaning Ukrainaga keng ko‘lamli bostirib kirishi fonida Yevropa Rossiyadan suyultirilgan gaz (LNG) importini o‘tgan yilning shu davriga nisbatan 42 foizga oshirdi.
Financial Times ma’lumotlariga ko‘ra, 2022-yilda Rossiyadan olib kelingan LNG ushbu yoqilg‘ining Yevropa dengiz importining 16 foizini tashkil qiladi. Xomashyoning deyarli hammasi Fransiya, Belgiya, Ispaniya va Gollandiyaga yetkazilgan.
Birinchi o‘rinni 42 foizlik ulush bilan AQSH, uchinchi o‘rinni 13,7 foiz bilan Qatar egallagan.
Umumiy hajmi 17,8 milliard kubometr bo‘lib, hozirgacha quvurlar orqali yetkazilgan 62,1 milliard kub metr gazning kichik bir qismini tashkil etadi.
Refinitiv tahlilchilariga ko‘ra, yil boshidan buyon Yevropa rekord darajadagi 111 milliard kub metr LNG import qildi, bu o‘tgan yilga nisbatan qariyb 70 foizga ko‘pdir.
Izoh (0)