Олтин чоршанба, 30 ноябрь куни Хитойда карантин чекловларини юмшатиш сигналлари туфайли қимматлашди ва март ойидан бери биринчи марта ойни ўсиш билан якунлади. Бу ҳақда «Интерфакс» хабар бермоқда.
Нью-Йорк товар биржасида олтиннинг февраль фьючерслари нархи Тошкент вақти билан 21:50 га келиб 0,2 фоизга ошиб, унция учун 1767,8 долларни ташкил қилди.
Ноябрь ойида қимматбаҳо металл деярли 7 фоизга қимматлашди, бу FactSet маълумотларига кўра, 2021 йил май ойидан бери энг сезиларли ўсишидир.
Чоршанба куни бозор иштирокчиларининг эътибори Федерал захира тизими (FRS) раиси Жером Пауэллнинг Брукингс институтида Тошкент вақти билан соат 23:30 га режалаштирилган нутқига қаратилган.
Инвесторлар Пауэлл олтинни қўллаб-қувватлайдиган курс ўсишининг секинлашиши эҳтимоли ҳақида ишора қилади, деб умид қилмоқда.
Шунингдек, март ойида етказиб бериладиган кумуш фьючерслари 2,1 фоизга ошиб, унцияси 21,89 долларни ташкил қилди. Худди шу давр учун мис фьючерслари ҳам 2,8 фоизга ошиб, бир фунт учун 3,74 долларни ташкил қилди.
Мавзуга доир:
Изоҳ (0)