Yevropa Ittifoqi Statistika boshqarmasining dastlabki ma’lumotlariga ko‘ra, noyabr oyida mintaqada iste’mol narxlari yillik hisobda 10 foizga tushdi. Inflyatsiya oktabr oyidagi 10,6 foizga nisbatan sekinlashdi. Bu haqda Bloomberg xabar bermoqda.
Yevropa mamlakatlari orasida eng yuqori inflyatsiya darajasi Latviya (12,7 foiz), Italiya (12,5 foiz), Estoniya va Litvada (21,4 foiz) qayd etilgan. Ispaniyada eng past inflyatsiya darajasi (6,6 foiz).
Mart oyidan beri Yevrozona inflyatsiyasi ortib bormoqda. Oktabr oyida u tarixiy eng yuqori darajaga yetdi va yiliga 10,7 foizga tezlashdi.
Mamlakatlarda energiya resurslari narxlarining o‘sishi oktabr oyidagi 41,5 foizdan 34,9 foizga, xizmatlar narxi 4,3 foizdan 4,2 foizgacha sekinlashdi. Shu bilan birga, oziq-ovqat, alkogol va tamaki 13,6 foizga qimmatlashgan, bir oy avval esa o‘sish 13,1 foizni tashkil qilgan. Sanoat tovarlari narxi o‘tgan oyga nisbatan 6,1 foizga oshdi.
Oylik hisobda yevrohududdagi iste’mol narxlari 0,1 foizga tushib, o‘tgan yilning iyul oyidan beri birinchi marta salbiy tendensiyani ko‘rsatdi. Oktabr oyida bu ko‘rsatkich 1,5 foizga oshgan.
Avvalroq oktabr oyida o‘zbekistonliklar sezgan inflyatsiya darajasi ma’lum qilingani haqida xabar berilgandi.
Izoh (0)