OPEK+ 4-dekabrdagi yig‘ilishda neft qazib olish hajmini qo‘shimcha qisqartirish masalasini muhokama qilmaydi. Bu haqda Tashkilotdagi 5 ta manbaga tayanib Reuters xabar bermoqda.
Biroq Reutersga ma’lum qilingan boshqa manbalarga kora, bu g‘oya hali ham ko‘rib chiqilishi mumkin. Ishlab chiqarishni boshqa qisqartirish ehtimoli esa yo‘q.
Uchrashuv formati noma’lum. Reuters va Bloomberg bu oflayn ham, onlayn tarzda ham bo‘lishi mumkinligini yozmoqda.
22-noyabrda Saudiya Arabistoni va boshqa OPEK+ a’zolari neft qazib olish hajmini kuniga 500 ming barrelgacha oshirishni ko‘rib chiqayotgani haqida xabar berilgan.
Qaror OPEK+ yig‘ilishida 4-dekabrda qabul qilinishi mumkin. Ertasi kuni, 5-dekabr kuni G7 davlatlari Rossiya neftiga narx chegarasini joriy etish niyatida.
WSJ manbalariga ko‘ra, ishlab chiqarish kvotasi yaqinlashib kelayotgan sovuq ob-havo va shunga mos ravishda resursga bo‘lgan talabning ortishi munosabati bilan oshiriladi.
2023-yilning birinchi choragida neftga bo‘lgan talab kuniga 1,69 million barrelga oshib, 101,3 million barrelga yetishi kutilmoqda.
Bugun, 30-noyabr kuni WSJ nashri fonida Brent neftining narxi bir barrel uchun 83 dollardan pastga tushdi. WTI neftining yanvar fyucherslari 4,53 foizga tushib, barreliga 76,48 dollarni tashkil qildi.
Izoh (0)