Davlat statistika qo‘mitasi 2022-yil yanvar—oktabr oylari bo‘yicha ulgurji savdo aylanmasini e’lon qildi.
Mamlakat bo‘yicha ulgurji savdo aylanmasi 184,1 trln so‘m ya’ni 2021-yilning yanvar—sentabr oylariga nisbatan 26 foizga o‘sgan.
Tarkibiy qismlari 72 foiz mikrofirma va kichik korxonalari va 28 foiz yirik korxonalar hissasiga to‘g‘ri keldi.
Kichik biznes subyektlarining ulgurji savdo aylanmasidagi ulushi 132,5 trln so‘mni tashkil qilgan. Bu esa 2021-yilning mos davriga nisbatan 24,3 foizga o‘sishni anglatadi.
Tovar aylanmasida eng yuqori ulush Toshkent shahrida — 58,4 foiz. Keyingi o‘rinlarda Toshkent (7,7 foiz) va Farg‘ona (5,6 foiz) viloyatlariga to‘g‘ri keladi.
Yuqori o‘sish sur’atlariga ega yirik korxonalar Buxoro (233,8 foiz), Navoiy (163,2 foiz) va Surxondaryo (144,5 foiz) viloyatlarida kuzatildi.
So‘nggi yillarda ulgurji savdoda davlat sektorining o‘rni pasayib bormoqda. Ushbu sektorning jami ulgurji tovar aylanmasidagi ulushi 0,1 foizni tashkil qildi.
Nodavlat tasarrufga ega subyektlar tomonidan ulgurji savdo aylanmasi 184 trln so‘mni va davlat tasarrufiga ega korxonalar tomonidan 108,1 mlrd so‘mni tashkil etdi.
Hududlar kesimida davlat mulkini hali ham Toshkent shahrida (0,1 foiz), Navoiy (0,15 foiz) va Andijon (0,03 foiz) viloyatlarida saqlanib qolinganligini ko‘rish mumkin.
Boshqa barcha hududlarda ulgurji savdo to‘liq nodavlat mulkka tegishli.
Avvalroq O‘zbekistonda suv va salqin ichimliklarni bosqichma-bosqich raqamli markirovkalash joriy etilishi haqida xabar berilgandi.
Izoh (0)