Hindiston hukumati 22-noyabrdan boshlab pandemiya davrida xorijlik sayyohlar uchun koronavirus sababli qo‘yilgan barcha cheklovlarni bekor qildi. Bu haqda mamlakat Sog‘liqni saqlash va oilani qo‘llab-quvvatlash vazirligi xabar berdi.
Ma’lum qilinishicha, endilikda mamlakatga keluvchi sayyohlar koronavirusga qarshi emlangan bo‘lishi kerak, ammo bu majburiy emas. Bundan tashqari, aviayo‘lovchilarning Air Suvidha portalida kovidga qarshi emlanganlik deklaratsiyasini yuklab olishi bekor qilingan. Mamlakatga kirishda PZR-testlari ham talab qilinmaydi.
8-noyabr kuni Dubay amirligi sayyohlar uchun koronavirusga qarshi emlanganlik sertifikati va PZR-testlarini bekor qilgandi. Shu tariqa, amirlikka kirish koronavirusdan oldingi holatga qaytgan. Xuddi shu kuni Abu-Dabi amirligi emlanmagan sayyohlar uchun koronavirus uchun majburiy PZR-testlarini bekor qilgan. Sentabr oyida Janubiy Koreyaga kirish uchun majburiy PZR-testi bekor qilingandi.
Izoh (0)