Ҳиндистон ҳукумати 22 ноябрдан бошлаб пандемия даврида хорижлик сайёҳлар учун коронавирус сабабли қўйилган барча чекловларни бекор қилди. Бу ҳақда мамлакат Соғлиқни сақлаш ва оилани қўллаб-қувватлаш вазирлиги хабар берди.
Маълум қилинишича, эндиликда мамлакатга келувчи сайёҳлар коронавирусга қарши эмланган бўлиши керак, аммо бу мажбурий эмас. Бундан ташқари, авиайўловчиларнинг Air Suvidha порталида ковидга қарши эмланганлик декларациясини юклаб олиши бекор қилинган. Мамлакатга киришда ПЗР-тестлари ҳам талаб қилинмайди.
8 ноябрь куни Дубай амирлиги сайёҳлар учун коронавирусга қарши эмланганлик сертификати ва ПЗР-тестларини бекор қилганди. Шу тариқа, амирликка кириш коронавирусдан олдинги ҳолатга қайтган. Худди шу куни Абу-Даби амирлиги эмланмаган сайёҳлар учун коронавирус учун мажбурий ПЗР-тестларини бекор қилган. Сентябрь ойида Жанубий Кореяга кириш учун мажбурий ПЗР-тести бекор қилинганди.
Изоҳ (0)