Toshkentda ichimlik suvi va kanalizatsiya tizimini transformatsiya qilish uchun 218 million yevro ajratiladi. Bu haqda Norma xabar berdi.
Ma’lum qilinishicha, “Toshkentda ichimlik suvi va kanalizatsiya tizimini transformatsiya qilish” loyihasini amalga oshirish chora-tadbirlari to‘g‘risidagi prezident qarori qabul qilindi.
2020-yilning martida Fransiyaning Suez International kompaniyasi, Toshkent shahar hokimligi, TSST (avvalgi Suvsoz) va Uy-joy kommunal xizmat ko‘rsatish vazirligi o‘rtasida “Toshkentda suv ta’minoti transformatsiyasi rejasi” loyihasini amalga oshirish doirasida birgalikda boshqaruv to‘g‘risidagi kelishuv imzolangan.
Hujjatga ko‘ra, loyihaning umumiy qiymati 218 million yevrodan ortiq bo‘lib, shundan 154,5 million yevro Fransiya g‘aznachiligi va Yevropa banklarining kredit mablag‘lari hisobidan, 64,3 million yevro O‘zbekiston tomonidan ajratiladi.
Ushbu loyihani amalga oshirishdan kutilayotgan asosiy ko‘rsatkichlar ham tasdiqlangan:
- iste’molchilar (jismoniy shaxslar) uchun suvni nazorat qilish va hisobga olish uchun masofaviy ma’lumotlarni uzatuvchi 673 ming dona “aqlli” suv hisoblagichlarini o‘rnatish;
- ichimlik suvi ta’minoti tizimida suv yo‘qotishlarini 12 foizga kamaytirish;
- ichimlik suvi ta’minoti va kanalizatsiya tizimlarining bosh rejalarini ishlab chiqish.
Mavzuga doir: O‘zbekistonda suvdan foydalanishdagi huquqbuzarliklar bo‘yicha ma’lumot berildi
Izoh (0)