Toshkentning Mirzo Ulug‘bek tumanidagi IT park binosida 23-noyabr kuni yong‘in yuz berdi. Bu haqda FVV matbuot xizmati xabar qildi.
Qayd etilishicha, soat 11:12 da Shahriobod ko‘chasida joylashgan ko‘p qavatli binolarning birida yong‘in sodir bo‘layotgani to‘g‘risida shahar FVBga xabar kelib tushgan. Shunga ko‘ra 3 ta yong‘in-qutqaruv ekipaji soat 11:15 da voqea joyiga yetib borgan va yong‘in soat 11:25 da o‘chirilgan.
Yong‘in natijasida 24 qavatli qurilishi tugallanmagan IT park binosining 21-qavatida taxminan 5 kvadrat metr maydonda penoplast qoldiqlari yonib zararlangan. Yong‘in natijasida qo‘shni binolarga zarar yetmagan.
Hodisa oqibatida tan jarohati olgan va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.
Izoh (0)