Shavkat Mirziyoyev va Emmanuel Makron Parijda ikkita o‘zbek ko‘rgazmalarini ochib berdi

Fransiya poytaxti Parijdagi Luvr muzeyi va Arab dunyosi institutida O‘zbekiston ko‘rgazmalari ochildi.

Qayd etilishicha, O‘zbekiston va Fransiya prezidentlari ikki yirik ko‘rgazmani ochib berdi:

• Luvrda – “O‘zbekiston vohalarining mo‘jizalari. Karvon yo‘llari chorrahasida”;
• Arab dunyosi institutida esa “Samarqandga yo‘l. Ipak va oltin mo‘jizalari”.

Har ikki ko‘rgazma ham O‘zbekiston tarixi va madaniyatiga bag‘ishlangan. Luvrdagi ko‘rgazma miloddan avvalgi V—VI asrlardan temuriylar davrigacha bo‘lgan davrni qamrab olgan bo‘lib, institutda XIX—XX asr o‘rtalariga oid eksponatlar, shuningdek, O‘zbekistondagi davlat muzeylaridan Turkiston avangardiga oid suratlar taqdim etilgan.

“Luvrdagi ko‘rgazmaning ochilishida Fransiya prezidenti Emmanuel Makron va uning rafiqasi taqdim etilgan ko‘rgazmadan hayratlarini yashirmadi”, — deyiladi xabarda.