Арманистонда 23 ноябрь куни бўлиб ўтган КХШТ саммитида ташкилотнинг янги бош котиби маълум бўлди. Бу ҳақда «РИА Новости» хабар берди.
Маълум қилинишича, ташкилотнинг амалдаги бош котиби Станислав Зас 2023 йил лавозимидан кетади. Унинг ўрнига бу лавозимни қозоғистонлик сиёсатчи Имангали Тасмагамбетов эгаллайди.
«Станислав Зас КХШТ бош котиби сифатидаги уч йиллик фаолиятини якунламоқда. Мен унга қилган иши учун раҳмат айтмоқчиман. 2023 йил бошидан КХШТ бош котиби вазифасини Қозоғистон вакили Имангали Тасмагамбетов бажаради», — дейди Арманистон бош вазири Никол Пашинян.
Таъкидланишича, Тасмагамбетов турли йилларда Қозоғистон бош вазири, Остона ва Олмаота шаҳарлари ҳокими бўлган. 2017 ва 2019 йилларда у Қозоғистоннинг Россиядаги элчиси бўлган ва бугунги кунда Россиянинг «КамАЗ» автомобиль корпорацияси директорлар кенгаши аъзоси ҳисобланади.
Изоҳ (0)