Ijtimoiy tarmoqlarda Andijon viloyati Jalaquduq tumanida fuqaroning oyoqlari kombaynga kirib ketgani, u shifoxonaning jonlantirish bo‘limiga yotgani haqida xabarlar tarqaldi. Bosh prokuratura holatga aniqlik kiritdi.
Aniqlanishicha, 9-noyabr kuni Sh.A. ismli erkak Jalaquduq tumanida kombaynga oyoqlari kirib ketishi oqibatida olgan jarohati tufayli jonlantirish bo‘limiga olib kelingan.
Biroq ko‘rsatilgan tibbiy muolajalarga qaramasdan bemor 10-noyabr kuni vafot etgan.
Hozirda holat yuzasidan Jalaquduq tumani IIB Tergov guruhi tomonidan tergovga qadar tekshiruv harakatlari olib borilmoqda.
Marhumning o‘limi kelib chiqish sababini to‘liq hajmda o‘rganib chiqishlik uchun sudga oid komissiyaviy ekspertizasi tayinlangan.
Bundan tashqari, mehnat va texnika xavfsizligi qoidalariga rioya etilgan yoki etilmagani holati yuzasidan Mehnat xavfsizligi ekspertizasi tayinlangan.
Tekshirish jarayoni Andijon viloyati prokuraturasi tomonidan nazoratga olingan.
Izoh (0)