Ижтимоий тармоқларда Андижон вилояти Жалақудуқ туманида фуқаронинг оёқлари комбайнга кириб кетгани, у шифохонанинг жонлантириш бўлимига ётгани ҳақида хабарлар тарқалди. Бош прокуратура ҳолатга аниқлик киритди.
Аниқланишича, 9 ноябрь куни Ш.А. исмли эркак Жалақудуқ туманида комбайнга оёқлари кириб кетиши оқибатида олган жароҳати туфайли жонлантириш бўлимига олиб келинган.
Бироқ кўрсатилган тиббий муолажаларга қарамасдан бемор 10 ноябрь куни вафот этган.
Ҳозирда ҳолат юзасидан Жалақудуқ тумани ИИБ Тергов гуруҳи томонидан терговга қадар текширув ҳаракатлари олиб борилмоқда.
Марҳумнинг ўлими келиб чиқиш сабабини тўлиқ ҳажмда ўрганиб чиқишлик учун судга оид комиссиявий экспертизаси тайинланган.
Бундан ташқари, меҳнат ва техника хавфсизлиги қоидаларига риоя этилган ёки этилмагани ҳолати юзасидан Меҳнат хавфсизлиги экспертизаси тайинланган.
Текшириш жараёни Андижон вилояти прокуратураси томонидан назоратга олинган.
Изоҳ (0)