Marokash hukumati sobiq inson huquqlari vaziri va advokat Muhammad Ziyanni hibsga oldi. Bu haqda Al Jazeera xabar berdi.
Apellyatsiya sudi uch yillik qamoq jazosi haqidagi hukmni o‘z kuchida qoldirishi ortidan advokat hibsga olingan. Inson huquqlari himoyachilari Marokash Liberal partiyasining asoschisi bo‘lgan Ziyanga qo‘yilgan ayblovlarga qarshi chiqqan. U sudyalarni haqorat qilish va ularga ta’sir o‘tkazishga urinish, ijtimoiy tarmoqlardan foydalangan holda odamlarni COVID-19 ga qarshi choralarni buzishga undash, muassasalarni hurmat qilmaslik, zinokorlik, jinsiy zo‘ravonlik va bolalarga yomon o‘rnak ko‘rsatishda aybdor deb topilgan.
Mahkumlarni himoya qiluvchi huquq faollarining milliy organi Ziyanning “o‘zboshimchalik bilan hibsga olinishidan juda hayratda” ekanini aytdi. Ta’kidlanishicha, Ziyan Marokash rasmiylarini ochiq tanqid qilgan va ayblovlar bilan sudlangan ko‘plab jurnalistlarni himoya qilgan. Advokat fevral oyida 3 yillik qamoq jazosiga hukm qilingandi va 5000 dirham jarimaga tortilgandi.
Noybar oyi boshida Marokash sudi inson huquqlari faoli Rida Benotmaneni 2021-yil COVID-19 choralariga qarshi norozilik namoyishlarida ijtimoiy tarmoqlardan foydalangani uchun uch yillik qamoq jazosiga hukm qilingandi.
Izoh (0)