Марокаш ҳукумати собиқ инсон ҳуқуқлари вазири ва адвокат Муҳаммад Зиянни ҳибсга олди. Бу ҳақда Al Jazeera хабар берди.
Апелляция суди уч йиллик қамоқ жазоси ҳақидаги ҳукмни ўз кучида қолдириши ортидан адвокат ҳибсга олинган. Инсон ҳуқуқлари ҳимоячилари Марокаш Либерал партиясининг асосчиси бўлган Зиянга қўйилган айбловларга қарши чиққан. У судьяларни ҳақорат қилиш ва уларга таъсир ўтказишга уриниш, ижтимоий тармоқлардан фойдаланган ҳолда одамларни COVID-19 га қарши чораларни бузишга ундаш, муассасаларни ҳурмат қилмаслик, зинокорлик, жинсий зўравонлик ва болаларга ёмон ўрнак кўрсатишда айбдор деб топилган.
Маҳкумларни ҳимоя қилувчи ҳуқуқ фаолларининг миллий органи Зияннинг «ўзбошимчалик билан ҳибсга олинишидан жуда ҳайратда» эканини айтди. Таъкидланишича, Зиян Марокаш расмийларини очиқ танқид қилган ва айбловлар билан судланган кўплаб журналистларни ҳимоя қилган. Адвокат февраль ойида 3 йиллик қамоқ жазосига ҳукм қилинганди ва 5000 дирҳам жаримага тортилганди.
Нойбар ойи бошида Марокаш суди инсон ҳуқуқлари фаоли Рида Бенотманени 2021 йил COVID-19 чораларига қарши норозилик намойишларида ижтимоий тармоқлардан фойдалангани учун уч йиллик қамоқ жазосига ҳукм қилинганди.
Изоҳ (0)