BMT Eron hukumatini keskin qoraladi

Birlashgan Millatlar Tashkiloti (BMT) Eronning ikki oydan beri mamlakatda davom etayotgan ommaviy norozilik namoyishlariga nisbatan “shafqatsiz va o‘limga olib keluvchi” qarorlarini qoraladi. Bu haqda The Times of Israel xabar berdi.

“BMTning inson huquqlari bo‘yicha kotibi Volker Turkning aytishicha, hafta oxirida Erondagi namoyishlar oqibatida halok bo‘lganlar soni ortib borayotgani, xavfsizlik kuchlarining javob choralari kuchaytirilgani mamlakatdagi vaziyatni keskin baholaydi”, —  dedi BMT rasmiy vakili Jeremi Lourens.

Tashkilot Eron hukumatini xalqning tenglik, qadr-qimmat va huquq talablarini qondirishga, “norozilik namoyishlarini bostirish uchun keraksiz yoki nomutanosib kuch” ishlatmaslikka chaqirgan.

“Eronda inson huquqlarining qo‘pol buzilishi uchun javobgarlikning yo‘qligi norozilikning kuchayishiga yordam beradi”, — deydi tashkilot vakili.

BMT huquq idorasi norozilik namoyishlari boshlanganidan beri 300 dan ortiq odam, jumladan 40 dan ortig‘i bolalar halok bo‘lganini ma‘lum qildi.

Erondagi namoyishlarga nima sabab bo‘ldi?

Keyinroq Aminiyning akasi ma’lum qilishicha, politsiyachilar u bilan “qayta tarbiyalash” ishlarini o‘tkazishga va’da bergan. Politsiya uchastkasidan qiz tez yordam mashinasida olib ketilgan. Shifokorlar qizda yurak xuruji va insult yuz berganini bildirgan, u bir necha kundan keyin vafot etgan. Eron politsiyasi baxtsiz hodisa yuz berganini da’vo qilmoqda.

Eron hukumati fikricha, noroziliklar “islom rejimini zaiflashtirish bo‘yicha dushman strategiyasi”ning bir qismidir, mamlakat armiyasi esa namoyishlar fonida “dushmanlarga qarshi kurashish” va xavfsizlikni ta’minlash niyatida.

Eron oliy yetakchisi Ali Xomanaiy namoyishlar “oddiy eronliklar” tomonidan o‘tkazilmayotganini, balki oldindan rejalashtirilganini aytgandi, shuningdek, u AQSH va Isroilni tartibsizliklarni tashkillashtirishda ayblagan.

O‘z navbatida, Eron hukumati tartibsizliklarga aloqador olti kishini o‘limga hukm qilgan.