Germaniya kansleri Olaf Shols mamlakat Ukrainadagi urushning keskinlashishiga tayyor bo‘lishi kerakligini aytdi. Bu haqda Sky news xabar berdi.
Kansler Berlindagi iqtisodiyot konferensiyasida so‘zlagan nutqida bu haqda gapirdi. “Urushning rivojlanishi va Rossiyaning ko‘zga ko‘rinib, kuchayib borayotgan muvaffaqiyatsizliklarini hisobga olgan holda, keskinlashuvga tayyor bo‘lishimiz kerak. Bu infratuzilmani yo‘q qilishni o‘z ichiga olishi mumkin”, — dedi u.
Shols Rossiya bosqinidan keyin e’lon qilingan 100 milliard yevro (102,76 milliard dollar) mudofaa jamg‘armasi nemis armiyasining mudofaa zaxiralariga saboq ekanini qayd etdi. Shuningdek, u Xitoyga yaqinda qilgan safari ikki davlatga yadro quroliga qarshi birgalikdagi pozitsiyasini ifoda etishda yordam berganini aytdi.
Eslatib o‘tamiz, Ukraina prezidenti Vladimir Zelenskiy o‘z fuqarolariga Rossiyaning infratuzilmalarga qilgan zarbasi va mamlakatning elektr quvvati ikki baravar kamayishi fonida energiyani tejashga chaqirgandi. Rasmiylar millionlab ukrainaliklar, jumladan, poytaxt Kiyevda raketa hujumlari tufayli elektr mart oyi oxirigacha uzilishi mumkinligini prognoz qilgan. Rossiyaning Ukraina energetika obyektlarini nishonga olishi janubiy Xerson shahridan chekinishni o‘z ichiga olgan jang maydonidagi muvaffaqiyatsizliklardan so‘ng sodir bo‘ldi.
Noyabr oyi boshida Turkiya prezidenti Olaf Shols Rossiya rahbariga nisbatan pozitsiyasini o‘zgartirgani, endi u murosaga kelish tarafdori ekanini ma’lum qilgandi. Oktabr oyida esa Germaniya kansleri mamlakat Rossiya gaziga qaramlikdan qutulganini e’lon qilgan.
Izoh (0)