Argentina terma jamoasi JCH—2022 1-turida Saudiya Arabistoniga yutqazib qo‘ydi (1:2).
Argentina 1990-yildan beri Jahon Chempionatlari dastlabki o‘yinida mag‘lubiyatga uchramagandi. O‘shanda argentinaliklar Kamerunga yengilgandi (0:1).
Keyingi mundiallarning (JCH—2018 dan boshqa) barchasida Argentina musobaqani g‘alaba bilan boshlagandi. Rossiyada o‘tgan chempionat 1-turida Argentina Islandiya terma jamoasi bilan 1:1 hisobida durang o‘ynagandi.
Bu uchrashuvda Janubiy Amerika vakillarining 36 o‘yindan iborat mag‘lubiyatsiz seriyasi yakunlandi. Shu tariqa Lionel Skaloni shogirdlari bu borada Italiyaning rekordini (37) takrorlay olmadi.
Messi jamoadoshlari kelasi o‘yinni 26-noyabr kuni Meksikaga qarshi o‘tkazadi.
Izoh (0)