Аргентина терма жамоаси Жаҳон Чемпионатида сўнгги 32 йил ичидаги энг ёмон натижасини қайд этди

Аргентина терма жамоаси ЖЧ—2022 1-турида Саудия Арабистонига ютқазиб қўйди (1:2).

Аргентина 1990 йилдан бери Жаҳон Чемпионатлари дастлабки ўйинида мағлубиятга учрамаганди. Ўшанда аргентиналиклар Камерунга енгилганди (0:1).

Кейинги мундиалларнинг (ЖЧ—2018 дан бошқа) барчасида Аргентина мусобақани ғалаба билан бошлаганди. Россияда ўтган чемпионат 1-турида Аргентина Исландия терма жамоаси билан 1:1 ҳисобида дуранг ўйнаганди.

Бу учрашувда Жанубий Америка вакилларининг 36 ўйиндан иборат мағлубиятсиз серияси якунланди. Шу тариқа Лионель Скалони шогирдлари бу борада Италиянинг рекордини (37) такрорлай олмади.

Месси жамоадошлари келаси ўйинни 26 ноябрь куни Мексикага қарши ўтказади.