Angliya terma jamoasi JCH—2022 1-turida Eron ustidan 6:2 hisobidagi g‘alabani qo‘lga kiritdi.
“Uchsherlar” ustozi Garet Sautgeyt Angliya boshqaruvida yirik musobaqalardagi (Jahon Chempionati / Yevro) 9-g‘alabasini qo‘lga kiritdi. Bu borada mutaxassis Alf Ramseyning rekordini ortda qoldirdi. 1966-yilgi mundialda inglizlarni chempion qilgan murabbiy yirik musobaqalarda 8 ta g‘alabaga erishgandi.
Angliya terma jamoasining keyingi o‘yini 25-noyabr kuni AQSHga qarshi kechadi.
Bunga qadar inglizlar ketma-ket olti o‘yindan beri g‘alaba qozona olmayotgandi. Mart oyidagi g‘alabadan keyin jamoa uch durang va uch mag‘lubiyat qayd etgandi.
Shuningdek, Angliya yirik musobaqalar 1-turi doirasida eng yirik g‘alabasini qo‘lga kiritdi. Yana inglizlar o‘z tarixida katta musobaqa doirasida ikkinchi bor 6 ta gol urib yutdi. Bundan avval JCH—2018 da Panama 6:1 hisobida taslim etilgandi.
Izoh (0)