“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 7-son mavzusi “Mahalla futboli” bo‘lib, dastur mehmoni sifatida sport jurnalisti va sharhlovchi Davron Fayziyev taklif etildi.
Dastur mehmoni mahalla futboliga doir kamchiliklarga to‘xtalib, stadionlar va futbol maydonchalari taqchilligi nafaqat bolalar, mahalla futbolida, balki professional sportda ham kuzatiladi.
Maydonlar muammosi nafaqat havaskor futbolda, katta futbolda ham bor. Hattoki terma jamoalarimiz darajasida ham. Masalan, “Bunyodkor” stadioni yana ta’mirlanyapti, uning chimi hech ham muntazam ravishda yaxshi holatda saqlanmayapti. Bunga stadiondagi havo sirkulyatsiyasi bilan bog‘liq muammo sabab bo‘lyapti.Uning ta’kidlashicha, “Paxtakor”, “Bunyodkor”, “Lokomativ”, JAR stadionlarida chimni professional turnirlarga saqlab turish kerak, shu uchun muntazam ravishda yig‘inlar o‘tkazish chimga zarar yetkazadi.Hozir turli yosh toifalari, ayollar futbolini hisoblaganda, jami 19 ta terma jamoamiz bor. Ularning barchasi deyarli bir xil vaqtda yig‘inga kelishadi. O‘sha payt Toshkent shahrida maydon yetishmaydi. Yaxshi hamki, “Bunyodkor” akademiyasining bir nechta maydoni bor, ko‘pincha o‘sha yerga borishadi. Bundan tashqari, FIFA bilan hamkorlikda Chig‘atoy bazasidada zamonaviy sun’iy qoplamali stadion qurib berilgan, — deydi Davron Fayziyev.
Hozir O‘zbekiston futbol assotsiatsiyasi FIFA, OFK bilan hamkorlikda Toshkent viloyatida terma jamoalar uchun baza tashkil etyapti. O‘sha baza qurib bitkazilgach, mehmonxona, mashg‘ulot maydonlari, stadionlar bo‘ladi va bu muammo nisbatan yechiladi, — deya qayd etdi dastur mehmoni.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)